Бо дарназардошти гармии шадид, ба сокинон тавсия дода мешавад, ки дар соатҳои аз 11:00 то 17:00 аз гаштугузори тӯлонӣ дар зери нурҳои мустақими офтоб худдорӣ намоянд, бештар об нӯшанд, либоси сабуки ранги равшан ва кулоҳ истифода баранд. Ҳамчунин ба кӯдакон, пиронсолон ва шахсони гирифтори бемориҳои дилу рагҳо таваҷҷуҳи махсус зоҳир карда шавад. Дар сурати эҳсоси сарчархӣ, беҳолӣ ё дигар нишонаҳои таъсири гармӣ, фавран ба ҷои салқин паноҳ бурда, дар ҳолати зарурӣ ба муассисаи тиббӣ муроҷиат кардан лозим аст.
