Тибқи маълумоти охирин, вазъи гармӣ дар ҷаҳон нигаронкунанда арзёбӣ мешавад. Солҳои охир ҳарорати миёнаи Замин пайваста баланд шуда, дар бисёр минтақаҳои ҷаҳон мавҷҳои гарми шадид бештар мушоҳида мегарданд. Дар кишварҳои Аврупо, Осиё, Амрикои Шимолӣ ва Ховари Миёна ҳарорати ҳаво айниҳол ба 40–50°С ва ҳатто аз он ҳам бештар мерасад.
Ҳарорати миёнаи ҷаҳон нисбат ба давраи пеш аз инқилоби саноатӣ тақрибан 1,5°С баланд шудааст, ки ин раванд ба тағйирёбии иқлим мусоидат мекунад. Дар натиҷа, суръати обшавии пиряхҳо, аз ҷумла дар Помир, Ҳимолой ва Алп, афзоиш ёфта, ба захираҳои об ва мувозинати экологӣ таъсири манфӣ мерасонад.
Ҳамзамон, бар асари гармшавии иқлим шумораи мавҷҳои гармо, хушксолӣ, сӯхторҳои ҷангал, боришоти шадид ва селҳо меафзояд. Ҳарорати баланди ҳаво инчунин ба саломатии аҳолӣ таҳдид карда, метавонад боиси гармозадагӣ, хушкшавии организм ва афзоиши хатари бемориҳои дилу раг ва узвҳои нафаскашӣ гардад.
Post Views: 33