Аз 9-ум то 12-уми июни соли 2024 дар шаҳри Тошканди Ҷумҳурии Ӯзбекистон Конфронси нуҳуми солонаи Алянси инноватсия дар соҳаи маориф ва тадқиқоти кишоварзии “Роҳи абрешим” баргузор гардид, дар ин бора аз Донишгоҳи аграрии Тоҷикистони ба номи Ш. Шоҳтемур ба ТВ “Илм ва табиат” иттилоъ доданд.

Гуфта шуд, ки аъзоёни иттиҳод донишгоҳҳои 148 кишвари ҷаҳон, аз ҷумла Донишгоҳи аграрии Тоҷикистон ба номи Ш. Шоҳтемур мебошад.

Дар конференсияи мазкур муовини ректор оид ба таълими Донишгоҳи аграрии Тоҷикистон ба номи Шириншоҳ Шоҳтемур Бобозода Ш.К. иштирок ва баромад намуданд.

Ҳамчунин дар ин дидор миёни Донишгоҳи аграрии Тоҷикистони ба номи Ш. Шоҳтемур ва чанд донишгоҳи хориҷӣ, аз қабили Полша, Қазоқистон, Покистон, Қирғизистон, Узбекистон ва Чин як қатор тавофуқҳо ба даст омада, ёддоштҳои ҳамкорӣ низ ба имзо расиданд.

                                                                                                                                                                                                  ДИЛШОД АЛСАМАДОВ

                                                                                                                                                                                               хабарнигори ТВ «Илм ва табиат»