Дар шаҳри Берлин намояндагиҳои дипломатии давлатҳои ҳавзаи Наврӯз дар ҳамкории муштарак бо Иттиҳодияи дӯстони Осорхонаи этнологӣ ва ташкилоти Ҳамкории байналмилалии фарҳангӣ ҷашни байналмилалии Наврӯзро таҷлил намуданд, хабар медиҳад АМИТ «Ховар» бо истинод ба Вазорати корҳои хориҷии Ҷумҳурии Тоҷикистон.
Дар маҳфили наврӯзӣ нафарони расмии давлати иқомат, намояндагони корпуси дипломатӣ, шаҳрвандони давлатҳои ҳавзаи Наврӯз ҳузур доштанд.
Дар таҷлили ҷашни бузурги аҷдодӣ Сафорати Ҷумҳурии Тоҷикистон дар Олмон ғурфаи миллиро иборат аз маводи таҷассумгари фарҳангу таърих ва нигораҳои миллӣ ташкил намуд, ки он дар маркази таваҷҷуҳи меҳмонони сершумор қарор гирифт.
