Рустаниҳои сабз яке аз асосҳои ҳаёт дар рӯйи Замин мебошанд. Онҳо дар раванди фотосинтез энергияи нури Офтобро истифода бурда, моддаҳои органикӣ ҳосил мекунанд ва оксиген хориҷ месозанд. Ин раванд на танҳо барои ғизои мавҷудоти зинда, балки барои тоза нигоҳ доштани ҳаво ва идомаи ҳаёт аҳамияти бузург дорад.
Рустаниҳо манбаи асосии ғизо, оксиген, сӯзишворӣ, масолеҳи сохтмонӣ ва ашёи хоми саноатӣ мебошанд. Ҳамчунин онҳо муҳити зисти бисёр ҳайвонотро таъмин карда, тавозуни табиатро нигоҳ медоранд. Дар шаҳрҳо ва деҳот дарахту буттаҳо ҳаворо аз чангу ғубор пок намуда, намнокии онро танзим мекунанд, садоро кам мекунанд ва аз шамолҳои сахт муҳофизат менамоянд.
Post Views: 113