Бахшида ба Рӯзи матбуоти тоҷик, ки ҳанӯз 114-сол қабл, яъне соли 1912 бо таъсиси аввалин рӯзномаи сирф тоҷикӣ — «Бухорои шариф» асос меёбад, дар радифи дигар намояндагони ВАО-и кишвар, хусусан аҳли қалам ва эҷод чанд нафар аз кормандони Муассисаи давлатии телевизиони “Илм ва табиат” низ қадрдонӣ карда шуданд.
Аз ҷумла бо иқдоми роҳбарияти Вазорати маориф ва илми Ҷумҳурии Тоҷикистон директори муассиса Шарифзода Саидмукаррам Ислом барои саҳми арзанда дар рушди маърифати ҷомеа, тарғиби дастовардҳои соҳаи маориф ва илми ҷумҳурӣ ва баланд бардоштани фарҳанги иттилоотии ҷомеа бо медали «Аълочии ифтихории маориф ва илми Тоҷикистон» сарфароз гардонида шуд.
Ҳамчунин, Абдувалӣ Сабурӣ — сардори Раёсати барномаҳои илм ва табиат барои фаъолияти пурсамари эҷодӣ ва инъикоси дастовардҳои даврони соҳибистиқлолӣ дар бахши маориф ва илм бо Ифтихорномаи Вазорати маориф ва илми Ҷумҳурии Тоҷикистон қадрдонӣ гардид.
Ин қадршиносӣ нишонаи эътирофи заҳмати содиқонаи кормандони ВАО мебошад. Зимнан, роҳбарият ва ҳайати эҷодии Муассисаи давлатии телевизиони «Илм ва табиат» барои таваҷҷуҳ ва қадршиносӣ ба роҳбарияти Вазорати маориф ва илми Ҷумҳурии Тоҷикистон самимӣ изҳори сипос менамоянд.
Post Views: 53