Имрӯз дар Бозиҳои тобистонаи олимпии Париж-2024 варзишгари Тоҷикистон Виктор Рассадин аз намуди гӯштини тарзи озод дар вазни то 74 кг ба даври нимниҳоӣ баромад.

Ӯ дар даври муқаддамотӣ бар варзишгар аз Юнон Йоргас Кюмтсидиси ва дар даври 1/4-ниҳоӣ бар Лу Фенг аз Чин пирӯз шуд.

Дар даври нимниҳоӣ Виктор Рассадин бо варзишгари узбекистонӣ Разамбек Жамалов рақобат менамояд.

Ёдовар мешавем, ки ҳоло дастаи олимпии Ҷумҳурии Тоҷикистон дар Бозиҳои олимпии Париж-2024 се медали биринҷӣ дорад. Медалҳои биринҷиро дар намуди ҷудо Сомон Маҳмадбеков дар вазни то 81 кг, Темур Раҳимов дар вазни + 100 кг ва дар бокс Давлат Болтаев дар вазни то 92 кг ба даст овардаанд.

АМИТ «Ховар»